وش يصير برسائلك

١ · وش تحفظ غلا

• نصّ رسائلك كل رسالة ترسلها، وكل رد يوصلك، ينحفظان بنصّهما كما هما.
• رقمك واسمك كما يظهران في حسابك بواتساب — ما تطلب غلا شي زيادة.
• وقت المحادثة وكلفتها متى راسلت، وكم رسالة، وكم كلّف الرد — أرقام تشغيل وفوترة.
• الميزات اللي طلبتها إذا أرسلت شي ما تدعمه غلا بعد، ينسجّل نوعه عشان يجي دوره.

وفيه نسختان زيادة تستاهل تعرفها:

• سجل تشغيل يلتقط رسالتك كما وصلت من واتساب. شغّال الحين، ومُقرَّر إطفاؤه — والصفحة هذي تتحدث يوم ينطفي.
• نسخة على جهاز شخصي نسخة من قاعدة البيانات تنزل على جهاز مالك الخدمة للمتابعة اليومية، وتتراكم بلا حد.

٣ · وين تروح رسالتك

جهتان، ما فيه ثالث:

• واتساب القناة نفسها اللي توصلك الرسالة، وشركتها ترى ما يمر فيها.
• أنثروبك الشركة اللي تشغّل العقل اللي يصيغ لك الرد. يوصلها نصّ رسالتك وآخر عشرين رسالة من محادثتك — بدون اسمك وبدون رقمك، ما ترسل غلا ولا واحد منهما.

٥ · وش بيتغيّر

الصوت والصورة والملف قادمة، وكل وحدة منها تحفظ أشياء أكثر من النص. ويوم تشتغل، هذي الصفحة تتحدث قبلها لا بعدها — وتقول وش ينحفظ من الوسيط بالضبط وكم يعيش.